Elkar zaintza aktibatuz.

Auzosarek, pertsonek bizi dezaketen hauskortasun sozial eta bakardade egoerak prebenitzeko eta abordatzeko metodologia bat garatzea du helburu, bakarkako esku-hartze sozialean datuen analisia aplikatzen delarik, eta, kohesio soziala eta zaintza komunitarioa sustatzen delarik.

Lehenengo esperientziak adinekoengan oinarritu dira, egoera horretan aurkitzeko hauskortasun handiagoa baitute. Hala ere, Auzosarek metodologia malgua eskaintzen du, eta herritar guztien hauskortasun soziala eta bakardadea prebenitu eta landu nahi ditu.

Nor gara

ZER DA?

Auzosare

Elkar zaintza eta elkarlan publiko-komunitarioa aktibatzeko programa berritzailea. Hauskortasun sozial egoeran aurkitzen diren pertsonei, ikuspegi prebentibo batetik, aurrea hartzeko eta pertsonen bizi kalitatea hobetzeko teknologia, errealitatearen azterketa, aktibazio komunitarioa eta esku-hartze soziala uztartzen dituen egitasmoa da.

Programa

Informazio sistema

FUNTZIONAMENDUA

Nola egiten dugu lan?

Udaleko gizarte zerbitzuei zuzendutako tresna da, eta, hauskortasun soziala prebenitzeko eta detektatzeko estrategiak bideratzea du helburu.

Informazio sistema automatikoa da, adierazle sistema zabala duena. Sistema udal informazioarekin eta zaintza-sarean inplikatuta dauden komunitateko pertsona eta eragileek emandako azalpenekin hornitzen da. Arrisku egoerak agertu aurretik jakinarazpenak igortzen dizkie udal gizarte zerbitzuei.

Honek 4 egiteko nagusi ahalbidetzen ditu, hala nola:

Herritarren bakardade eta hauskortasun egoerak aurreikusteko, (pre)detekzioa eta katalogazioa.

Gizarte zerbitzuek artatu beharreko pertsonen egoerari buruzko informazio xehetua modu erraz eta bizkorrean kontsultatu zein kudeatzea.

Problematika honek udalerrian duen inpaktuari buruzko diagnostiko kuantitatibo aktualizatua uneoro eskura izatea, pertsonen adinari, sexuari, bizikidetza unitateari, errekurtsoekiko distantziari, eta, pertsonen hauskoratsun egoeran inpaktu zuzena duten beste hainbat faktoreren baitan.

Artatuak diren pertsonen egoeran aldaketa nabariak ematen direnean, hauen zaintzan inplikatuak dauden komunitateko pertsonek emandako informazioa jasotzea eta prozesatzea, sistemaren aplikazio mugikorraz baliatuz.

Programak zaintza-sare publiko-komunitario bat egituratu nahi du, funtsezko hiru ekintza sustatuz: errealitatearen diagnostikoa, sentsibilizazioa eta herritarren konpromisoa.

Errealitatearen diagnostikoa

“Tokian, tokiko” filosofian oinarritutako ikuspegi batetik, Auzosarek errealitate bakoitzera egokitutako aukerak planteatzen ditu.
Horretarako, udalerri bakoitzean plangintza pertsonalizatua burutu ahal izateko, herri bakoitzak aurkezten dituen beharren eta aukeren inguruko diagnostiko bat egiten du.
Errealitatearen azterketarako diagnostiko kualitatibo honek hurrengoa ahalbidetzen du:

Herriko funtsezko baliabide, zerbitzu eta eragileen mapa bat burutzea.
Bakardade egoera hauskorrean dauden pertsonen inguruko dinamika komunitarioak identifikatzea, eta, herritarren sentsibilitatea ezagutzea.
Herritarrei gizarte-kohesioaren inguruan informatu eta sentsibilizatzea, zaintza-sare komunitarioa aktibatzeko.

Herritarrak sentsibilizatzea, bakardade-egoeren inguruan kontzientziatzeko eta egoera hauek prebenitzeko.

Bakardadea arazo soziala den heinean, honek ongizatean dakarren ondorio negatiboen inguruko kontzientziazioa, eta afera honi aurre egiteko erantzukizun kolektiboa bultzatu.
Zaintza komunitarioa bermatuko duten hurbileko harremanak eta loturak izatearen garrantziari buruzko elkarrizketa publiko bat sortzea bakardade egoerak prebenitzeko.

Auzozainen aktibazioa

Zaintza komunitarioarekin inplikatzen eta konprometitzen diren komunitateko pertsonen lankidetza bilatzea da helburua. Gizarte-sentsibilitatea duten pertsona horiek gizarte-baliabideetatik (familia-medikuak, erizaina, etxez etxeko laguntzailea, etab.) edo komunitatetik (merkataritza, auzoak, parrokia, etab.) etor daitezke.
Auzozainei bidelaguntza eskaintzen zaie bizikidetza ona sustatzeko eta komunitateko pertsona ahulenak babesteko tresnak eskainiz. Horretarako giltzarria, “begirada soziala” lantzea izango da.
Auzozain hauen inplikazioa hiru modalitatetan egituratzen da:

Auzozain komunitarioak

Adinekoen eguneroko bizitzan esanguratsuak eta konfiantzazkoak diren pertsonak dira hauek. Posizio estrategikoa dute dendetan, parrokietan, adinekoen elkarteetan, osasun-baliabideetan, gizarte-baliabideetan eta abarretan. Auzozain hauek, arreta jarriko dute pertsona nagusiek izan ditzaketen aldaketei edo zailtasunei. Pertsona horiek informazio hori OGZei jakinaraziko diete, ezartzen diren kanalen bidez.

Auzozain pertsonalak

Bakarrik eta/edo isolatuta sentitzen direla adierazten duten adinekoentzat bereziki pentsatua. Pertsonak bere harreman-sareko norbait aukeratzen du, berekiko zaintza konpromezua hartu dezan, eta modu honetan, bere egoeran aldaketa edota zailtasun egoera bat ematen bada, laguntza-baliabideetara bideratu dezan. Pertsona horrek Auzosare sistema informatikoaren APPa erabil dezake jasotako informazioaren berri emateko.

Auzozain dinamizatzaileak

Gizarte-sentsibilitatea duten auzoetako bizilagunak, eta, zaintza komunitarioa balioa bezala dutenak. Gizarte-harremanak, gizarte-kohesioa eta elkarren zaintza sustatzen dituzten auzoetan topaketak eta ekintza ezberdinak dinamizatzen dituzte.

Esku hartze hauen helburu nagusia, ikuspegi prebentibo batetik, pertsona onuradunen autonomia eta bizi-kalitatea sustatzea izango da, bakardadeak norbanakoen osasun eta bizi kalitatean eragin dezakeen narriadura prozesua atzeratuz, lausotuz edota irauliz.

Horretarako, profesionalen eskutik, bakarkako (nahiz taldekako) akonpainamendu prozesu pertsonalizatuak eskainiko dira, beti ere, komunitatearekin etengabeko elkarlana bilatuz.

Prozesua honela gauzatzen da:

Informazio Sistemak aukera ematen digu egoera hauskorrean egon daitezkeen adinekoak aurre-identifikatzeko.
Adineko pertsonarengana hurbiltzea, haren egoera ezagutzeko eta haren laguntza-sarea eta izan ditzakeen beharrak baloratzeko.
Plan pertsonalizatua definitzea, beharra duten eta hau gauzatzeko interesa duten pertsonekin. Helburua, haien bizi-kalitatea hobetzen lagunduko duten harremanak sustatzea da.

Honela, bakardadearen erronka sozialari erantzuteko estrategia oso bat proposatzen du Auzosare programak eta Gizarte Zerbitzuen zorroko 1.3 eta 1.5 zerbitzuen garapenaren baitan kokatzen da.

EZAGUTU GURE

Onurak

Udal Informazioaren kudeaketa eraginkorra ahalbidetzen du, sakabanatuta dagoen informazioa bateratu, ustiatu eta bisualizatuz

Informazio iturri desberdinak uztartuz problematika konplexuak ezagutzeko bidea errazten du. Honek, azterketa eta kudeaketa arinago eta efizienteagoa egiteko aukera ematen du.

Detekzio goiztiarra, esku-hartze prebentiboa eta Gizarte Zerbitzuen erantzun eraginkorra sustatzen du.

Hauskortasun egoerei aurrea hartzeko eta egoera hauek detektatzeko aukera eskaintzen duen programa da. Informazio osoa eta zehatza eskura izanda, errazagoa da beharra non dagoen identifikatzea, hauei aurrea hartzea, eta, hauen gainean ekiteko erantzun posibleak doitzea baita ere.

Esku-hartze pertsonalizatuak diseinatzea ahalbidetzen du

Bakardadadea aldagai desberdinen uztarketa da. Pertsona bakoitzak, bakardadea modu pertsonal eta bekarrean esperimentatzen du, horregatik, beharrezkoa da kasu bakoitzean ikuspegi xehetua txertatzea.

Udal arreta zerbitzuen unibertsaltasuna bermatzen du

Ikusezintasuna da bakardade hauskorraren ezaugarrietako bat. Hala ere, administrazio publikoak gizarte-premiei erantzuteko unibertsaltasuna bermatu behar du, eta horrek, lehenik eta behin, premia horiek detektatzea eskatzen du.

Horrela, Auzosareko Informazio Sistemak aukera ematen die udaleko Gizarte Zerbitzuei identifikazio hori egiteko eta hauskortasun sozialeko egoeran egon daitezkeen pertsonengana hurbiltzeko.

Herritarren lankidetza eta komunitatearen inplikazioari esker, lan prebentiboa eta proaktiboa sustatzen du

Bakardade egoera hauskorrei erantzuteko, esku hartze eredu berritzaile bat proposatzen du. Pertsonalizazio ikuspegia oinarri, bakardade egoera hauskorrean aurkitzen diren pertsonak detektatu, eta hauentzat esanguratsuak diren egunerokotasuneko espazioei balioa emanez. Adinekoak komunitarekin birkonektatzen ditu eta hauen autonomia eta bizi kalitatea zainduz eta hobetuz.

Elkarlan publiko-komunitarioan oinarritzen da

Elkarlan publiko-komunitarioa posible egiteko eredu bat eskaintzen du. Ikuspegi komunitarioa dago programa honen oinarrian eta programaren garapenean etengabe bilatzen da zaintza sare publiko-komunitarioaren artikulazioa. Programaren lidergoa udalak eraman arren, Bogan Taldeko kooperatibok arduratzen gara zaintza ekosistema osatzen duten norbanako, eragile eta baliabideen arteko harremana dinamizatzeaz.

Sare komunitarioa aktibatzen du

Aktibazio komunitarioaren bidez, sare komunitarioa indartzen du, komunitate kohesionatu eta konprometituagoa lortuz.

Egoera hauskorrean daudenen pertsonen, zein, hauen familien ongizatean eragiten du, eta komunitateen kohesioan eragiten du

Proiektuaren funtsezko elementuak (informazio-sistema, errealitatearen diagnostikoa, aktibazio komunitarioa, eta esku-hartze pertsonalizatuak) artikulatzen dira egoera hauskorrean dauden adinekoen bizi-kalitatean eragin positiboa izateko.

Inpaktu hori familiei ere helarazten zaie, lasaitasuna eta gizarte-zerbitzuekin lankidetza handiagoa eskaintzen baitu; baita komunitateei ere, inklusibo eta zaintzaileagoak bilakatzen baititu.

AUZOSARE

Non ari gara

Auzosare proiektua Pirinio Garaiko eta Haraneko, eta, Arango 6 mankomunitatetan garatzen ari da, Vincles Xarxa Veinal d ‘acompayament izenarenpean. Bogan Taldeak kolaboratzaile gisa parte hartzen du bertan, proiektuaren gakoak transmititzeko eta laguntza teknikoa emateko lurraldeko erakundeei.

Auzozaintza Sare Publiko-Komunitarioa

HERNANI

Basauriko udala

BASAURI

Zaintzadi

OIARTZUN

Izarraitz

ZESTOA

Teknoadineko Landalab Sakana

SAKANAKO MANKOMUNITATEA

Herria Bidelagun

LEGORRETA

Errenteriko udaletxea

ERRENTERI

Herrizaintza

ELORRIO

ERE

ERMUA

ELKARLANA

Auzosare egitasmoa esperimentazio lan ugarik utzitako ikasgaien emaitza da.

Urte hauetan babesle izan ditugu…

Urte hauetan lankide izan ditugu…

AUZOSARE

Nor gara

Bogan Taldea osatzen dugun kooperatibak – Agintzari, Hirube, Zabalduz eta Zakan – garatu dugu zaintza komunitarioa aktibatzeko programa hau. Irabazi-asmorik gabeko gizarte-ekimeneko kooperatibak gara guztiak, eta zailtasun eta kalteberatasun sozialeko egoeran dauden pertsonen gizarte-premiei erantzutera bideratzen dugu gure jarduera.

1997. urteaz geroztik egiten dugu lan esku-hartze sozialaren esparruan, lehen mailako arretako eta arreta espezializatuko zerbitzuak kudeatuz, Euskadin eta Nafarroan. Gure jarduera, duen izaera berritzaileagatik eta jardun teknikoagatik nabarmentzen da estatu-mailan. EAEn gizarte-arloan dugun erreferentzialtasuna eta Eusko Jaurlaritzak Onura Publikoko Erakunde izendatu izana azpimarratu behar dira.

Gehiago jakin

Datuen ingeniaritzan oinarritutako soluzioak eskaintzen ditugu. Aldagai soziodemografikoak eta geografikoak prozesatzen dituzten sistema korporatiboak eraikitzen ditugu, besteak beste, datu nahaspilak zeuden lekutik informazio erabilgarria eskuratzeko. Berrikuntza eta teknologia herritarren zerbitzura jartzearekin engaiatuta gaude sortu ginenetik.

Gehiago jakin

JARRI GUREKIN

Harremanetan

Auzosare programa hobeto ezagutu nahi baduzu, jo guregana lasai eta, beharrezkoa bada, hurbilduko gara zure lantokira.

Programa Komunitarioari buruz:
auzosare@bogankoop.eus
688 806 262 (Bizkaia – Araba)
688 764 315 (Gipuzkoa – Nafarroa)

Informazio Sistemari buruz:
auzosare@gislan.eus
943 304 255